Det såkalla Merkur-programmet som skal styrkje daglegvarebutikkane i distrikta, verkar godt, viser ei evaluering.
Butikkane som er med i Merkur-programmet har ei betre utvikling i omsetnaden enn andre og større distriktsbutikkar, fortel Kommunal og moderniseringsdepartementet i ei pressemelding.
– Evalueringa stadfestar det inntrykket eg har fått gjennom kontakt med butikkane, Merkur- programmet verkar godt, og det er oppløftande, seier kommunal- og moderniseringsminister Jan Tore Sanner i ein kommentar.
Merkur-programmet hjelper butikkane med omstilling, kompetanse og investeringsstøtte. Evalueringa viser at utvikling av tilleggstenester som pub/kafe og turistanlegg, er det viktigaste for å styrkje lønsemda i distriktsbutikkane. (©NPK)
