Gjermund Hagesæther (Frp) føreslår å redusere talet på kommunar i Hordaland frå 33 til 8.
Stortingspolitikaren skisserer overfor NRK mellom anna ein stor Nordhordland-kommune samansett av Meland, Fedje, Austrheim, Masfjorden, Radøy, Modalen og Lindås. I sør meiner han Austevoll og Tysnes bør slå seg saman.
Ordførar i Austevoll, Helge Andre Njåstad (Frp), er ikkje berre positiv til utspelet frå Hagesæter. Både han og kollega Terje Søviknes (Frp) i Os meiner det blir feil å byrje prosessen med å trekke opp kommunegrenser, og seier at eit slikt initiativ ikkje bør kome frå Oslo.
– Innbyggjarane vil at lokalpolitikarane skal ta tak. Dette greier vi å løyse lokalt viss vi får det rette insitamentet, seier Njåstad til NRK.
Ordføraren i Nordhordlands-kommunen Radøy er positiv til ein ny storkommune, men då må kommunen byggast frå botnen av. Det kan du lese meir om i LNK-avisa som kjem denne veka.
