I år vart det ikkje oppsetjing av Isfolket i Valdres. Men du kan sjå Tengels Folk som ein del av Jørn Hilme-stemnet i staden.
Solefallskonserten er ein vesentleg del av Jørn Hilme-stemnet. Utekonserten vert sett opp på Jaslangen i Vestre Slidre. Årets konsert tar altså utgangspunkt i Sol av Isfolket, basert på Margit Sandemos romanserie om Isfolket, og her vil ein få eit gjenhør med musikken frå teaterstykket som tidlegare har gått på Fagernes folkemuseum. Med musikk, song og dans skal publikum takast med inn i solefallet.
Jørn Hilme-stemnet er den eldste folkemusikkfestivalen i landet og har vore arrangert sidan 1960. Festivalen har dei siste åra hatt mest fokus på konsertar, men dei kan òg skilte med kappleik, teater og dans.
Det blir derfor musikk og dans ei hel veke, og dei fleste av aktivitetane finn stad på Valdres folkemuseum sine område.
Kappleiken på Jørn Hilme-stemnet er mellom dei største i landet, og i år blir det stor tevling både laurdag og søndag.
For dei som likar det vil det også bli høve for eit friskt ordskifte; det blir i løpet av veka kulturpolitisk debatt om folkedansens rolle no og i framtida.
Jørn Hilme-stemnet varar frå søndag 22. til søndag 29. juli.
