– Eg har store forventningar og ser fram til at den nye regjeringa skal prioritere og gjennomføre alt det dei lova både i Språkmeldinga og i Kulturløftet, seier forlagsdirektør i Samlaget, Tove Lie.
Ho legg også vekt på at dette vil krevje engasjement og kreativitet frå dei aktive i nynorskmiljøet.
– Me kan ikkje berre sitje å vente på at noko skal kome dalande, slår Tove Lie fast.
– Kva grep bør regjeringa gjere for å styrke nynorsken?
– Det er mykje dei kan gjere. 2009 skal vere eit leseår, har dei bestemt. Å kunne setje opp klare mål for dette, slik at både barn og vaksne lett kan få tilgang på god nynorsk litteratur er viktig. Å legge opp til at barn, heilt i frå barnehagen av, får høyre nynorske tekstar og dialektar er også viktig. Ein tredje ting er nettet og den digitale verda. Å legge til rette for meir nynorsk på nett er veldig viktig – i dag er det berre om lag 7 – 8 % nynorsk på nett, meiner ho.
Du kan lese meir om kva forventningar sentrale personar i nynorskmilijøet har til den nye regjeringa i LNK-avisa som kjem ut i byrjinga av november.
