Milliardinvestor har stor tru på ein ny språklæringsmetode utvikla i Sandane.
– Me trur det er noko som kjem til å bli distribuert ganske raskt. Me trur også det kjem til å bli nettbasert, seier milliardær og investor Johan H. Andersen til NRK.
Han er ein av dei som har hjelpt grûnder Heidi Aabrekk og selskapet hennar Intempo med pengar og meiner metoden har internasjonalt potensial.
Aabrekk er utdanna spesialpedagog og utvikla metoden då ho fekk ein son med hjerneskadar. Ved å starta tidleg med teknikkar for å stimulera hjernen har ho klart å læra guten sin ting ingen trudde han skulle læra.
Etter at ho utvikla den såkalla Bravoleiken, etablert ho for seks år sidan sitt eige firma med eigne pedagogar som tilbyr opplæring for foreldre og barnehagar over heile landet. Til no har 120 barnehagar teke i bruk metoden.
– Det har eit stort potensial, me kan gå internasjonalt. Men det aller, aller største potensialet ligg hjå ungane som me kan hjelpa til å unngå lese- og skrivevanskar. Det er altfor mange som slit med slike vanskar i dag, seier Heidi Aabrekk. (NPK)
