I dag startar ein statleg kampanje for å få fleire kvalifiserte søkarar til lærarutdanninga.
Potensielle lærarstudentar kan mellom anna gå inn på nettstaden hardudetideg.no og ta ein test for å sjå om dei har det som trengst for å bli ein god lærar. Reklame på TV og Internett skal og vere med og gje merksemd til lærarutdanninga.
Kampanjen GNIST er ein del av regjeringa si satsing på auka kvalitet i den norske skulen og er eit samarbeidsprosjekt mellom Kunnskapsdepartementet, utdanningsinstitusjonar, fagforeningar og studentorganisasjonar. Kampanjen skal pågå i tre år og har ei konstnadsramme på 20 millionar kroner.
Studentavisa i Bergen, Studvest.no, seier i ein kommentar i dag at ei slik satsing har lite for seg utan at ein følgjer opp med betre lønn til lærarane.
» Fleire nyhende
