Kulturskolane får 40 millionar kroner i øyremerkte tilskot i 2010, foreslår regjeringa. Målet er at det innan 2014 skal vere plass til alle i kulturskolane mot ei rimeleg eigenbetaling.
Stimuleringstilskotet er lagt inn i budsjettet til Kunnskapsdepartementet i framlegget til statsbudsjett for 2010.
Både kommunar og organisasjonar skal kunne søkje om pengar til å utvikle kvalitet i kultur- og kulturskoletilboda til elevar i første til fjerde klasse. Det kan for eksempel vere forsøk med nye uttrykksformer, ny organisering av kulturaktivitetar og nye former for samarbeid med lokale kulturkrefter og – organisasjonar. Forsøka blir kopla opp imot den kulturelle skolesekken. (©NPK)
Les også:
