Fleire ordførarar reagerer på at staten overlèt drifta av akuttmottak til private selskap.
Ordførar Alfred Bjørlo i Eid kommune i Sogn og Fjordane seier til VG at kommunen kunne drive akutt- og asylmottak like godt sjølv. Systemet i dag meiner han er «heilt bak mål».
– Det er verken god samfunnsøkonomi, bra for lokalsamfunna, bra for integreringa eller bra for noko som helst anna enn innteninga til nokre få «asylbaronar», torar han.
Ordføraren får støtte frå blant andre ordførar Rune Støstad (Ap) i Nord-Fron kommune i Oppland.
– I framtida bør kommunane involverast på ein heilt annan måte i arbeidet med å ta imot flyktningar, også i akuttfasen, seier Støstad til VG.
Utlendingsdirektoratet (UDI) forklarar bruken av private med mangel på tilbod frå kommunane. (©NPK)
