Bruker du nettutgåva av Nynorskordboka, kan du glede deg over at ordboka no er oppdatert i tråd med den nye rettskrivingsnorma.
Oppslagsord og bøyingar er oppdaterte i samsvar med ny rettskriving. Det er ingen sideformer (klammeformer) lenger verken i oppslagsord eller bøyingsformer.
– Nynorskordboka er open for alle og viser kva som er rett nynorsk frå no av, seier direktør Arnfinn Muruvik Vonen i Språkrådet i ei pressemelding.
Ordboka er oppdatert av Universitetet i Oslo i samarbeid med Språkrådet.
Den nye utgåva har ikkje berre ny rettskriving, innhaldet er òg presentert betre enn før. No har ordboka:
- bøying for alle ord, også samansetningar
- mindre bruk av forkortingar enn før, alle oppslagsorda er skrivne fullt ut, også i døma
- mange klikkbare ord i definisjonane
Her finn du den oppdaterte versjonen av ordboka.
Bokmålsordboka skal fornyast på liknande vis som Nynorskordboka.
Les også: Dei nye reglane
