Ei ny nettbasert teneste skal gjere det lettare for dei som vil etablere nye bedrifter å finne informasjon og raskt få svar på spørsmål.
– Gründerportalen skal vere klar til sommaren, sa kommunal- og regionalminister Liv Signe Navarsete (Sp) då ho fredag presenterte distrikts- og regionalmeldinga til regjeringa.
Sterkare støtte til dei som etablerer nye arbeidsplassar var eitt av tiltaka Navarsete la fram. Ho opplyste også at regjeringa vil bidra med 10 millionar kroner for å styrke grunnlaget for næringsutvikling i fjellbygdene.
Navarsete roste distriktspolitikken som har vore ført, og la fram tal som viser at alle fylke har hatt vekst i folketalet dei siste åra.
– Samla har vi den beste folketalsutviklinga i Distrikts-Noreg på over 30 år, sa kommunalministeren då ho presenterte meldinga på årsmøtet i Sogn og Fjordane Senterparti. (NPK)
