Langs Diktarvegen frå Jæren til Sunnfjord skjer det mykje denne sommaren. Denne veka er det Kim Larsen og Valkyrien Allstars som er høgdepunkta.
Den folkekjære danske artisten Kim Larsen speler opp til sommar, sol og allsong på Ruten på Sandnes fredag kveld.
- Med seg har han ein musikalsk festpakke som garantert vi gje høg stemning å spreie glede slik som bare Kim Larsen sine gullkorn av musikalske skattar kan, lokkar arrangøren.
I Balestrand blir det opning av vandreutstillinga ”Gripen av havfolket” på Sogn folkemuseum fredag.
Under den årlege Kobberskjerkvelden i Dale i Sunnfjord speler Valkyrien Allstars opp med sine tre hardingfeler og vokalist Tuva Livsdatter Syvertsen si karakteristiske røyst.
– Sjelfull og sterk vokal akkompagnert av feleriff og kollektiv improvisasjon er varemerket til Valkyrien Allstars, skriv arrangøren på nettsidene sine.
Kobberskjerkvelden avsluttast med dans med Nybø Band i Løa i Jakob Sande-tunet.
