Dramatikaren Jon Fosse får Den internasjonale Ibsenprisen for 2010. Prisen er på 2,5 millionar kroner og blir delt ut 10. september.
Ibsenprisen vart etablert av regjeringa i 2007. Året etter vart den tildelt den engelske dramatikaren Peter Brook, medan franske Ariane Mnouchkine fekk den i fjor.
I år vert det altså for første gang ein norsk prisvinnar. Skodespelaren og regissøren Liv Ullmann overrekkjer prisen til Fosse 10. september. Det skjer under Ibsenfestivalen på Nationaltheateret i Oslo.
Jon Fosse blir rekna som éin av den moderne dramatikken sine store namn. 50-åringen, som er forfattar, poet og dramatikar, har skreve over 30 skodespel. Han har også skrive over 40 bøker dei siste 15 åra.
Stykka til Fosse har vorte framført over 900 gonger rundt om i verda. Mannen som blir kalla ? den nye Ibsen? blir spelt meir enn nokon annan europeisk samtidsdramatikar. (©NPK)
