Talet på bøker for barn og unge aukar. I 2009 vart det gitt ut 1162 bøker i kategorien barne- og ungdomslittertaur. Av desse var 349 nye norske utgjevingar, viser tal frå Norsk barnebokinstitutt (NBI).
Talet utgjevingar for 2009 femnar om nye bøker så vel som nyutgjevingar av eldre bøker.
NBI har ført statistikk over utgjevingar for barn og unge sidan 1990. Det året var det gitt ut 624 barne- og ungdomsbøker, av desse var 215 på norsk. Det viser at det samla talet på utgjevingar nesten er dobla, medan talet på norske utgjevingar relativt sett har vekse mindre.
Det finst ikkje tal for utgjevingar for målform så langt tilbake. I 2008 vart det gitt ut til saman 45 bøker på nynorsk, av desse var 33 nye norske bøker, medan 12 var omsette nye bøker. I 2009 kom det ut 53 nye norske bøker på nynorsk og 31 omsette nye bøker på nynorsk.
Litteratur for barn og unge er tema på Landstinget 2011 i april.
