Microsoft Noreg nyttar Stord kommune og nynorsk for å understreka kor viktig det er å omsetja programvarer til minoritetsspråk og små språk, skriv morsmål.org.
I mai skreiv lnk.no at Microsoft Noreg besøkte Høgskulen Stord/ Haugesund. Oppdraget frå Microsoft sentralt var å laga ein film på tre minutt om kvifor det er viktig å laga det dei kallar Local Language Packs, det vil seie å omsetja programvare til små språk og minioritetsstpråk. Nå er filmen lansert.
– Omsett programvare er viktig for å styrkja viljen til å læra nynorsk og for å auka statusen til nynorsk, seier Nina M. Olsen, lærar ved Nordbygdo ungdomsskule på Stord i filmen. Denne skulen nyttar dagleg digitale verkemiddel i undervisninga. Når ein jobbar i ein nynorskkommune er det svært viktig å ivareta nynorsken, held ho fram.
– Elevane som brukar nynorsk i skulen treng å byggja opp sin språklege sjølvtillit, understrekar høgskolelektor ved Høgskolen Stord/Haugesund Hege Myklebust i filmen. Elevane treng å bli gode og trygge språkbrukarar og då må dei få gode og språklege førebilete.
– Det har med språkutvikling å gjera og er dessuten knytta til identitet og kultur. Språk er kunnskap, ord er kunnskap, og når ord forsvinn, forsvinn også kunnskapen, seier Jan Sverre Sivertsen, som er samarbeidspartner med Microsoft og har ansvaret for informasjonsfilmen til morsmål.org.
Sjå heile filmen her.
