Leiar i Noregs Mållag, Håvard B. Øvregård, er godt nøgd med at formannskapet i Tydal kommune har gitt ein av dei tilsette i kommunen lov til å skrive nynorsk.
Det er ein kulturkonsulent i kommunen som har søkt om å få lov til å nytte nynorsk.
Tydal kommune har har eit vedtak frå 1981 om at bokmål skal vere administrasjonsspråk i kommunen, men formannskapet gav likevel dispensasjon, skriv Nea Radio.
No skal saka vidare til kommunestyret. Tydal kommune er ein fjell-og kraftkommune i Sør-Trøndelag. Kommunen har omlag 860 innbyggjarar og ligg 8,5 mil både frå Røros og Værnes flyplass.
– Eit rett vedtak, seier leiar i Noregs Mållag, Håvard B Øvregård til Nea Radio.
– Ofte er det nok søknadar om å bruke bokmål i nynorsk-kommunar, seier Øvregård som viser til at mållaget er meir skeptiske til dispensasjonar i dei sakene.
