Noregs Mållag startar denne hausten opp ein storstilt barnehagekampanje.
Målet med kampanjen Gjennom ord blir verda stor er at born skal møte både nynorsk og bokmål så tidleg som mogleg.
– Det norske språket er mest eit botnlaust hav vi kan ause av – dersom vi vil og kan. Med kampanjen vår prøver vi å vise fram den store nynorske bokskatten som finst, og som kan brukast ikkje minst for dei minste, seier leiar i Noregs Mållag, Håvard B. Øvregård til nm.no
Han legg også vekt på at kampanjen er i samsvar med endringane i norsk og europeisk språkpolitikk.
– Der det før var sentralt å einsrette og helst minske mengda av språk og språkleg variasjon, er det no eit overordna mål å halde språkmangfaldet i live og gje det best mogleg vokstervilkår. Såleis blir det kvart år halde ein europeisk språkdag den 26. september for å vise fram det store språkmangfaldet i Europa.
