Ap opnar no for tvangssamanslåing av kommunar.
Ap startar no opp igjen debatten om kommunestrukturen her i landet, skriv Kommunal Rapport.
– Vi er klare i vårt program på at kommunestrukturen må endrast for å bli funksjonell og berekraftig. Dersom vi ikkje får fleire frivillige kommunesamanslåingar, må vi vurdere å setje ned ein kommisjon som kan teikne norgeskartet på nytt, slik at vi kan få styrte samanslåingar, sa Helga Pedersen i ein tale.
Ho la vidare vekt på at det var ein etterlengta debatt.
– Folk har kviskra meg i øyra, og trekt meg inn i bøttekott, for å seie at vi må ta debatten om kommunestrukturen. Nå må vi få den ut av bøttekotta og inn i partiet.
Ap vil gjere kommunesamanslåingar meir lønnsame, og opnar difor for tvangssamanslåingar.
