Arbeidsinnvandringa aukar, om enn ikkje like mykje som tidlegare år. Det syner nye tal frå Utlendingsdirektoratet (UDI).
1. mars hadde 96 300 personar gyldig arbeidsløyve her i landet. Det er ei svak auke sidan årsskiftet, men likevel ein nedgang samanlikna med same periode i fjor. I løpet av januar og februar det blitt gitt 11 773 arbeidsløyve til utanlandske arbeidstakarar. Talet inneber både nye løyve og forlenging av eksisterande, melder UDI. Til samanlikning vart det gitt 14 511 løyve på same tid i 2008. Dei fleste arbeidsinnvandrarane kjem frå Polen, Tyskland og Litauen, og bygg- og anleggsbransjen er den som sysselset flest arbeidsinnvandrarar.
Ein analyse utført av NAV peiker på at Noreg vil halde fram med å vere eit attraktivt land å arbeide i for utlendingar, gitt at finanskrisa ikkje berører Noreg like mykje som andre land.
Språket utfordrar
Auka arbeidsinnvandring byr på utfordringar for kommunane, og språkopplæring og busetjing er mellom dei største, seier ordførar Sonja Edvardsen i Eid kommune til LNK.
– Systematisk språkopplæring er heilt avgjerande i ein integreringsprosess, og ansvaret for dette ligg til dei sentrale styresmaktene og til kommunane, meiner Edvardsen.
Meir om denne saka kan du lese i LNK-avisa som kjem før påske.
Arbeidsinnvandring er og eit tema på landstinget i Loen i mai.
