Endeleg kjem eit komplett læreverk på nynorsk for innvandrar som skal studere på universitet og høgskule, eller treng dokumentasjon på høg språkleg kompetanse.
Deltakarar og lærarar ved Norskopplæringa i Sogndal har samarbeidd med Kunnskap.no om utviklinga av NorskPluss B2.
– Det har vore utruleg utviklande og spennande å vere med på denne etterlengta nyvinninga, og vi er stolte av at lanseringa er lagt til Sogndal, seier prosjektleiar ved Norskopplæringa, Eli Tjørhom.
Lærarane som har vore med i prosjektet i tillegg til Eli Tjørhom er Elin Flatabø og Kirsti Loftesnes. Saman med lærarane var dei entusiastiske kursdeltakarane vertskap for lanseringa i Sogndal sist fredag. Dei presenterte òg nokre av sine bidrag til det nye læreverket.
