Tysdag signerte ordførar Jørgen Amdam i Volda og ordførar Stein Aam i Ørsta ein intensjonsavtale om samanslåing.
I avtalen er dei to nabokommunane på Sunnmøre einige om å plassere rådmannen og ordføraren i den nye Volda-Ørsta kommune i Ørsta, mens Volda får skule- og helseadministrasjonane, skriv Møre-Nytt.
Det blir folkerøysting om samanslåing i dei to kommunane 19. mai.
Det er òg på tale å invitere kommunane Hornindal og Stryn med.
Den 19. mai blir det likeins folkerøysting i Hareid, Herøy, Ulstein, Sande og Vanylven om ei samanslåing av dei fem, men førebels utan at samtalepartane der har klart å samle seg om ein intensjonsavtale. Den kan likevel komme på plass når kommunane møtest igjen 30. mars, ifølgje Vikebladet Vestposten. (©NPK)
