Ordførar i Austevoll kommune i Hordaland, Helge André Njåstad, er kåra til Årets kommuneprofil 2012 av Kommunal Rapport.
Kriteria for kåringa til Kommunal Rapport er at dei nominerte skal ha fått til resultat utanom det vanlege, snudd ei negativ utvikling, gjort noko nytt, starta ein viktig debatt eller takla ein vanskeleg situasjon på ein god måte, fortel Bergens Tidende.
Les også: Superkommunen Austevoll
Helge André Njåstad har også ein periode som styremedlem i LNK.
Frp-ordføraren Njåstad vart nominert av Kommunal Rapport for å ha snudd økonomien i kommunen frå minus til pluss og skapt ny optimisme. Njåstad, som har styrt Austevoll sidan 2003, fekk halvparten av stemmene og vann dermed over Nittedal-ordførar Hilde Thorkildsen (Ap) fortel Bergens Tidende. Ho fekk 43 prosent av stemmene, medan dei andre kandidatane ifølgje avisa fekk svært få stemmer. (©NPK)
