Stavanger-forfattaren Terje Torkildsen har fått UPrisen for romanen Dystopia III.
Det er andre gong Torkildsen får denne prisen, sist var i 2009 for boka Marki Marco. Prisen vart delt ut under litteraturfestivalen på Lillehammer i går, for sjette gong, og det er fjerde gong prisen går til ein nynorskforfattar.
Juryen for UPrisen har bestått av niandeklassingar frå sju ulike ungdomsskular.
– Forfattaren har skrive ei drivande og spennande bok. Det var lett å leve seg inn i historia, og lesaren blir heile tida overraska. Samtidig er boka både morosam og rørande. Det humoristiske vekslar med det meir alvorlige, var beskjeden frå juryen under utdelinga i går.
