Rune Belsvik får Rasmus Lølands-stipend for 2012.
Samstundes blir Ingrid z. Aanstad tildelt Rogaland fylkeskommunes litteraturstipend. Begge stipenda er på 100 000 kroner.
Rune Belsvik (56) debuterte i 1979 med ungdomsromana Ingen drittunge lenger. Etterpå er det blitt over tjue bøker for barn og ungdom, i tillegg til nokre vaksenbøker pg skodespel. I 2000 vart han tildelt Brageprisen, og Kulturdepartementets litteraturpris for barnebøkene om Dustefjerten.
Belsvik er født i Haugesund og vaks opp på Stord. I dag bur han i Randesund i Kristiansand.
– Belsvik er ein uredd forfattar som har hausta lovord og skapt debatt. Det er i god Løland-ånd, seier Stig Beite Løken i ei pressemelding.
Det er det litterære rådet til NBU (Norsk barne- og ungdomsbokforfattere) som innstiller stipendvinnaren.
– Belsvik er ein produktiv forfattar med ei særmerkt forfattarrøst, og han har eit orginalt univers å by på. At han er ein uredd og kompromisslaus forfattar viste han mellom anna med barneboka Tjuven i 2009, som vekte stor debatt, harme men også rosande røyster. Belsvik er med andre ord ein godt etablert forfattar, skriv dei i grunngjevinga.
Stipendet i Rasmus Løland sitt navn blir delt ut til ein forfattar som har skrevet barne-eller ungdomsbøker, og vart første gongen tildelt i 2007.
Ingrid Z. Aanestad (29) får i tillegg Rogaland fylkeskommune sitt litteraturstipend. Aanestad som er frå Klepp i Rogaland debuterte i 2006 med romanen I dag er ein fin dag og har sidan gitt ut to romaner.
– Det er hyggelig å kunne bidra til utviklinga av forfattertalent frå regionen. Eg har lese alle bøkene hennar og set stor pris på forfattarskapen, seier Stig Beite Løken i fylkeskommunen.
Belsvik og Aanestad mottar stipenda av fylkesordfører Janne Johnsen under fylkestingets møte i Haugesund 12. juni.
