For å skape rett identitet i høve til merkevara, har Skogstad Sport bestemt seg for å gjere nynorsk til sitt offisielle språk. Både katalog, internettside og annan kommunikasjon med kundane skal i framtida vere på nynorsk.
– Vi er stolte av alt vi gjer. Røtene våre og historia vår er viktig. Og ikkje noko er meir naturleg for oss enn nynorsk, seier sals- og marknadssjef Knut Roger Nesdal til Sportsbransjen.no.
For verksemda med base i Innvik i Stryn, er nynorsk ein integrert del av identiteten. I dette distriktet er nynorsk dominarende målform.
– Vi er ikkje skamfulle av at det er der vi kjem frå. Det er eit kvalitetsstempel, seier Nesdal.
Den første publikasjonen der nynorsk er tatt i bruk, er den nye katalogen med haust- og vinterkolleksjon frå Skogstad.
– Vi har ikkje fått negative reaksjonar. Dei som har oppdaga dette har gitt god tilbakemelding og er samde i valet vi har gjort, sluttar sals- og marknadssjefen.
