310 av 430 kommunar opplevde vekst i folketalet i fjor. Det er ti kommunar meir med vekst enn i 2009.
Det er samla sett vekst i alle delar av landet, og også i dei minst sentrale stroka av landet var det fleire vekstkommunar i fjor enn året før.To tredelar av veksten i kommunane kjem frå innvandring.
– Innvandrarane er ei ressurs for Noreg. Eg gler meg over at innvandringa kjem i heile landet, frå storby til småsamfunn, seier kommunal- og regionalminister Liv Signe Navarsete i ei pressemelding.
Trass i positive trendar trengst det framleis ein langsiktig innsats for å gje folk fridom til å busetje seg der dei vil, og differensiert arbeidsgjevaravgift, styrka kommuneøkonomi og betra samferdsletilbod er nokre av verkemidla som kan gjere denne valfridommen reell, meiner Navarsete.
