Den som har hatt gleda av å samarbeide med Audun Heskestad, har nok lyst til å gi noko tilbake, seier Ottar Grepstad.
I dag blir tidlegare forlagssjef i Det Norske Samlaget, Audun Heskestad, utnemnt til riddar 1. klasse av Den Kongeleg Norske St. Olavs Orden for innsatsen hans for nynorsk skriftkultur.
Alle dei vi spurde om å stille seg bak denne tilrådinga, sa ja med ein gong, seier Grepstad i ei pressemelding frå Samlaget.
Heskestad arbeidde i Samlaget i 38 år frå 1971 til 2009 utan avbrot.
Han har gjennom eit langt liv fremja skrivekunsten og gitt boklesarar i mange land lesestoff av fremste kvalitet, seier forlagsdirektør Tove Lie i Samlaget.
Brevet med framlegg om utnemninga er underteikna av forfattar Arthus Arntzen, seksjonsleiar Mari Finess i Norsk kulturråd, forfattar Jon Fosse, professor Otto Hageberg, kyrkjeverje og tidlegare kulturminister Valgerd Svarstad Haugland og tidlegare forlagsdirektør William Nygaard.
